العلاقات الغرامية بين الشباب والبنات, من يتحمل الأخطاء الناتجة عنها

السلام عليكم ورحمة الله وبركاته

حبيت أناقش معاكم موضوع والحق انشوف فيه موضوع مهم جداً

وذلك لما نراه في واقع حياتنا اليومية من علاقات غرامية بين الشباب والفتيات

كلنا نعلم بـأن مثل هذه العلاقات محرمه في ديننا الأسلامي ولكن للأسف الشديد

هُناك أقبال ملحوظ من قبل الشباب والجيل الجديد على هذه العلاقات

والسؤال هنا

لماذا تلجأ الفتيات إلي هذه العلاقات مع أكثر من شاب ؟

ولماذا الشباب أيضاَ يقمون بهذه العلاقات مع أكثر من فتاة ؟

هل هيا علاقات من أجل الشهوه فقط ؟ أو أشباع رغباتنا ؟

من يتحمل الخطأ الذي قد يحدث بين الشاب والفتاة

هل الشاب يتحمل كل المسؤولية أم للفتاة نصيب في ذلك ؟ أو ان اللوم

كل اللوم يقع على الفتاة ؟

للموضوع عدة محاور أتمنا أن نناقشها مع بعض فالموضوع أكثر من مهم

فربما نصل إلي حل يضع النقاط على الحروف في أنتظار مشاركاتكم
و

السلام عليكم,,,
اخي سند,,بالفعل انا سعيده كوني أول من ارد علي هذا الموضوع الشيق غير منتهي الجدال,,المنتشر انتشار الطاعون في عالمنا العربي والاسلامي عامه,
ومجتمعنا الليبي خاصه,,فلم يكن وكما الجميع يعلم اي وجود لهذا النوع من هذه العلاقات عده عقود مضت,,,وعلي الجميع التفريق,,بين حب الفطره,
وعلاقه الحرام,,,سواء كانت مباشره((التقاء,,كلام...الخ)) او غير ذلك((تليفونات وتشات)).
وسأجيبك عن بضع الاسئله التي طرحت من وجهه نظري,,

ماذا تلجأ الفتيات إلي هذه العلاقات مع أكثر من شاب ؟
تقريبا,,بعد العلاقه الاوله وفي ((الاغلب)) يصبح الامر وكانه ادمـــان مرضي,,فلم يعد ذلك من اجل الشخص نفسه,,بل من اجل ((التكسيده والجو))
وهذا للأسف الشديد ما لم يكن منتشر في فتايتنا الاعوم التي مضت.!!!!

ولماذا الشباب أيضاَ يقمون بهذه العلاقات مع أكثر من فتاة ؟
نفس الشئ تقريبا للفتاه,,مع اضافه الملل,,وملئ اوقات الفراغ باشياء تضـــر ولا تنفع!!

هل هيا علاقات من أجل الشهوه فقط ؟ أو أشباع رغباتنا ؟
هي الاغلب تستمر في مرحلتنا((سن المراهقه)),,ومن استمربعد ذلك يصبح......!!!!!

من يتحمل الخطأ الذي قد يحدث بين الشاب والفتاة ؟
الفتاه طبعا,,,((جو الكبـــس....الخ))!

هل الشاب يتحمل كل المسؤولية أم للفتاة نصيب في ذلك ؟ أو ان اللوم
كل اللوم يقع على الفتاة ؟
لو لو لو الشاب تحمل مسؤليه,,,حتكون بسيطه جداً,,,لأن الاغلب حيقولوا..سن طيش,,,
ولكن الاغلب يقع العبأ واللوم والظلم علي الفتاه((وعلامه الـــx طبعاً)),,,ومقولتي ظلم ليست دفاعاً عن الفتاه,,,بل طلبا في ان يعاقب الخاطئين بالتساوي!!!
((وهي اللي جابتها لروحها)))
________________________________________

اخي سند,,,اسفه جداً جداُ علي الاطاله,,,لكن بجد الموضوع لبساطة لفت انتباهي للنقاش!!
وقد اصبحت مسأله ((صاحبي وصاحبتي))متفشيه وللأسف حتي في مدرستنا,,,ومنتشره الحديث طبعاً وكأنها حديث عن ((بابا وماما))!!!!!
وربي يهدينا ويهدي الجميع,,,وشكر مره ثانيه لكي!

احترامي,,,آعقل مجنونه.

موضوع: شكرا الأربعاء أكتوبر 06, 2010 4:08 pm

شكرا على المشاركة المميزة يا اعقل مجنونة

فعلا كانت اجوبتك معبرة ومشكورة مرة ثانية

تحياتي....... العلاقات الغرامية بين الشباب والبنات, من يتحمل الأخطاء الناتجة عنها C5

العلاقات الغرامية بين الشباب والبنات, من يتحمل الأخطاء الناتجة عنها Fireworks13

اولا بنقولك حاجه جيل توا فااااااااشل فااااشل وربي يهديهم ان شااااااااء الله

لماذا تلجأ الفتيات إلي هذه العلاقات مع أكثر من شاب ؟

اولا من ضغوطات تمام والاهل يقعدو حابسينه في الحوشه مش حوش في حكيه لا طلعه لا خشه وبدير شفرات بددون علم هلها ووووو............
لكن لو الاهل يعطو البنت حريته شوي ويراقبو بناتهم شوي

ولماذا الشباب أيضاَ يقمون بهذه العلاقات مع أكثر من فتاة ؟
لانه تمت موضه الا معنداش صاحبه او حبيبه موقته مايقعدش راجل عليك حاله

هل هيا علاقات من أجل الشهوه فقط ؟ أو أشباع رغباتنا ؟
اشباع رغباتنا

من يتحمل الخطأ الذي قد يحدث بين الشاب والفتاة
من بيكون يعني اكيد البنت تشوه سمعتها والشاب يمشي في حاله

هل الشاب يتحمل كل المسؤولية أم للفتاة نصيب في ذلك ؟ أو ان اللوم

كل اللوم يقع على الفتاة ؟
البنت اكيد

وفي الاخير كل حد عقله في راسه وعارف العلاقات حرام شرعا

وبصراحه موضوع يستحق النقاش

بصراحة بعد رد مصامصة ومجنونة والله ما عرفتش شن انرد يعني بالعربي عطكن ادعوة خلنلنا شوية كلام نحكوه study

المهم المهم :-
فعلا والله الحل مش معروف والمشكلة متفشية تفشي الطاعون وعجبتني كلمة مجنونة لما قالت الحكي على الصاحب والصاحبة كانهم بوك وامك
فعلا والله في المدرسة وبدون تحديد حتى الي تحسابها مؤدبة تطلع امصاحبة Mad

والله بصدق وانا انوجه الكلام هذا للبنات اخواتي الغاليات queen

(يعني نبي نعرف حاجة وحدة تلقي الوحدة اقريب اتموت وهيا تلقاها اتقولك خايفة في المدرسة ايفتشوا ويلقوا
عندي الموبايل الي (دايرتة من ورا هلها ) Sleep

وعلي من على عيل بعد ما ايمل منك ويلقى وحدخرة ايقولك تشاو بدون مقدمات Evil or Very Mad

ولا حول ولا قوة الا بالله وخلاص نسال الله انه يهدينا اجمين وشكرا )

ملاحظة هذه المواقف مش في ليبيابس فالعالم كله وهو ناتج من التقليد سواء علي المستوي العربي او الاوروبي يشوفو المسلسلات والافلام ويطبقو فيهن lol!

هما المسلسلات يدر هكي وياخذ فلوس ويبلط بس نحنا Razz

نتفرجو وننعجبو بهم ولو ان عندنا مبدأ الصداقة والاحترام والغيرة علي بنات الناس مصارش الكلام هظا
الخلاصة الشاب او البنت متريحش لين ما تاخذ رقم فلان او فلانه عليش والله منها تكسيده ومنها انهدرزوا انا وياها علي اساس يبي يتزوجه

ولو كان الشاب والبنت اصدقاء بس ويديرو مجموعة صداقة مفيش حب احسن جو بس نحناولا كإن في جو صداقات وحب وكذب واللوم مش علي البنت والشاب والمدير والمرسين والمدرسات اللوم علي الاب والام المفروض في مراقبة للبنت والشاب علشان يقعد فالسليم pirat

مع العلم اني انا عندي بنات صديقات والكذب علي الله حرام وانكلمو في بعضنا تليفون وشخصيا تمام علشان اتكونو علي بينة

قعدت نكتب وانسيت نشكركم علي المواضيع وعلي الردود ثانكس افري بدي

العلاقات الغرامية بين الشباب والبنات, من يتحمل الأخطاء الناتجة عنها 174605345

فعلا انا في الراي مع اخي معتصم للمسلسلات والافلام تاثير قوي جدا على مجتمعنا العربي
وبحب انوه انه كل احداث الافلام والمسلسلات يعني لا يمكن انها تتحقق مثلا
تلاقي وحده من البنات ماشيه تحسب روحها لميس وتلاقي واحد ثاني ماشي وراها في سيارة اخر موديل ايخطم علينا وميقولش حتى كلمة خير يحسب روحه مهند
يعني نحنا في مجتمع اسلامي وعيب كل هذا الي قاعد ايصير
وكل هذه الاخطاء انا في رايي يتحملها الاهل هم الي مفروض يتحملو الاخطاء
لان التربية اساسا خطا في خطا
تلاقيهم ضاغطين على البنت ضغطة شينة وطالقين العيل على راحته يمشي ويرد ويبات برى الحوش ماحد امدوره

وشكرا على المداخلات....

موضوع: معليش لحظة بس الأحد نوفمبر 21, 2010 8:59 pm

ااول حاجة اللهم صلي وسلم على سيدنا محمد
ثانيا قبل تحمل النتائج لنرجع للاسباب ما اسباب قيام علاقةهمهههه(غرامية)وهضا امر كاذب هناك احتمالين:
1-البنت تبقا ادير في جو شين ونظرات غير طبيعية ومن الطبيعي نفش الشاب في سننا سن المراهقة ضعيفة فالشاب كيف ما انقولو بالعامية (ايطيح)وممكن اتكون البنت صادقة في اعجابها وممكن تبي اطيح الشاب المسكين وتكسر قلبا وهضا اصعب احساس؟
2-ممكن الشاب ايبادر وهضا قليل لان مع احترامي للبنات ان بنات العصر توا هنا ايعاكسن والشباب هم اللي ايتحشمو عكس زمان... المهم بعدها البنت كن هي تبيه في راسها 3 افكار:
أ-اما ادير جو التكبر بيش الشبوب الطيب ايحير
ب-اتوافق بيه اما لسببين:
1-نيتها صح تبيه
2--كيف ما عارفين تبي منا رصييييييد عشان اتكلم عشيقها الثاني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لكن نبي نسال خياتي في المنتدى:
هل معظم اخطاء كسر القلوب من البنت وللا من الشاب تصدر ؟
لكن جاوبن بصراحة وهيا الاجابة معروفا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فهل توافقوني بان دراسة الاسباب اهم من النتائج ام لا

بس مانقول ماتحب لان مافيش شخص مايحب وننصحكم ديما بــــ :

تحابوا في الله

العلاقات الغرامية بين الشباب والبنات, من يتحمل الأخطاء الناتجة عنها 15

أول حاجة يا اخ نعمان كان اتغير اللون الاصفر متاع الخط اصلك عميتنا فيه كان مافيهاش ثقاله يعني

ثاني حاجة انت جامع كل البنات في كلامك هذا يعني في بنات واجد محترمات ومتربيات مش كلها مثل ما حكيت
وفي شباب يعني اكثر ماتتصور من قلة ذوق طبعا انا في كلامي هذا مانجمعش انا قلت انو مجموعة معينة

يعني مثل مافي شر في الدنيا في خير ..... ولا انا غلطان العلاقات الغرامية بين الشباب والبنات, من يتحمل الأخطاء الناتجة عنها Fireworks13

كلمتين اتقوا الله اه في كلام اخرى بانسبه للبنات يحسابن ارواحن لميس اوتوبه وهن ما فيهنش جو بكل زي بنات المناهل مع احترامي للبعض وشباب هباهبا ايقلدوا في ايحيا او يحي سند راك تزقب راك تحسابا جندي وكريستيانو وديروا في جو وبنات مايصدقن احسن حل خلي شباب ايكسروا قلوب البنات عشان ماعش ايدرنها او يا سند راه موضوع عيب Wink

موضوع: شكرا لك الإثنين نوفمبر 22, 2010 7:34 pm

لا مايزعجني اخي سند تغييره بس هذي حرية شخصية وللا لا ونا ما نقصدش جميع البنات بالعكس فيه بنات محترمات عفيفات
احترامي

حرام عليك يا بوغرارة توا انا منقدرش انقول ان كل البنات ملائكة زي ما نقدرش انقول ان كل العويل مش اكويسين بس ضروري ادير استثناء ياريت lol!

يا بوغرارة انت توا قاعد تحكي على البنات Very Happy

وبعد ما تشوف بنت تقعد تجري وراها cheers

انبصر معاك يا سلومة lol!

بس دير استثناء
لان مش كل صوابع يدك متل بعض

وهن ما فيهنش جو بكل زي بنات المناهل
معلش يابوغلراره شن قصدك البنات مفيهنش جو
يعني تو اختك وعماتك وووووووووووووووووو مفيهنش جو ................؟؟؟؟؟؟؟؟؟؟؟؟؟؟؟؟؟؟؟؟؟ Question

احسن حل خلي شباب ايكسروا قلوب البنات عشان ماعش ايدرنها................
يعني بتقنعني انكم تكسرو في قلوب البنات مانتم دايرينها تكسيده ولعبه العلاقه وكدالك البنات مش كلهن بس الاغلبيه لان الصراحه معش في حــــــــــــــــــــب حب