شوف برجك اليوم

السطل*
تو بنفعك التنسريف ..قد تعاني من الكساد هدا الشهر .. حاول أن تذهب إلى شارع سناء ولا عكس في الجردينة الجديدة .. ورد بالك تشري كندرة كحلة ..فالها مش باهي ليك ..*
يوم الحظ ( اسمك ما عندناش راجع بعد غدوة )

الترنيب
يا سموني . مش قتلك معاش اتناشب الناس .. رد بالك على صحتك وياسر من الرياضي وأنت أتقول مردومة .. وحاول التقليل من الذهاب إلى شاطئ الأمان والشجرة .. مصاريفهم هلبه*
يوم الحظ ( مافيش حل شد الطابور لن يوصل دورك )

الشكارة
تطورات في الناحية العاطفية ..مش منك من الخرط في الجامعات والمعاهد ..ماعلينا .. حاول ان تكتر من اكل المركونه فالنجوم تخبرك بانها صحية ميه المية .. بالدات لما جارية يوم الحظ ( خل انسقدو اللي قبلك وانت امداير دوشة )

الباغلي*
عليك بممارست الروتين اليومي ..نوض الصبح ..أطلع للشارع وعول على مكياطة وباكو دخان وشد انقلي لن اتموت .. سياتيك خبر جميل في الاسبوع الماضي فكن على استعداد ..
يوم الحظ ( وين رقمك يا شاب ..فيه قبلك هلبه )

المكلوب
أيوه حنا ..وي ..غير ساعد روحك عارفينك واعر .. قد يتعفلق من تحبهم ودلك لانك اتدير في روحك حرجان منهم ..فولح عليك الدوة الفارغة وبرا صفي وضعك خير ما اتريح عليك
يوم الحظ ( يمكن أن يكون مقفل أو خارج نطاق التغطية )

الميزان
جوك المليح قد يجدب لك بعض النفاخين الجدد ..حاول أن تفوتهم زي الريح لأنك بتقعد عالق فيهم ومعاش بيصير منك .. حياتك يسودها نوع من الاضطراب ..روح ارقد وولي بعدين .
يوم الحظ ( الكونكشن هارب ...راجي شوية )

العقرب
لا تتوقع أنك بتعيش أكتر من سنة تانية ..فشوف روحك من توا ..اهو قتلك ..برا هيج وشدها تروبين بالك اتدير حق سيارة وانت امفلس زي النهار الاحرف ..وقد اعدر من اندر*
يوم الحظ ( كيف ..تبي يوم حظ ؟؟بالك هلبه عليك )

الفليتشة*
شنو يا غزيل ..نوعك ما صدقت .. اترك كل ديونك وامنع خيرلك .. عليك ديون اكبر من راصك أمتى بترد للناس فلوسها .. النجوم تقول ..شد الخط وامنع أحسنلك راهو ايدورو فيك.
يوم الحظ ( لابس شخشير منقوب وتبي حظ ..نوض روح )

الفطيمة
بععععععععععععع .. ترري ..فيه صفصفه غادي عليك بها.. فهيا كزيوني مش عادي ..الـ3 ربطات بربع وماشية الامور .. وبرا اشري موبايل ليبيانا راهو برنامجه سالك .. ورصيده امليح*
يوم الحظ ( نسحابوه اليوم طلع عطلة ..ولي مرة تانية )

الحوتة*
قد يتعفلق من تحبهم ..عادي الباب اللي ايجيك منه الريح كرشمه واستريح .. خيرك حصلة ودراه كبد .. برا اخطب البنت خير ما ايجي ايطبه حد تاني وتقعد تتـغوطلي ..و الله مانعرفك*
يوم الحظ ( تسحاب روحك خير من اللي قبلك ..شد الطابور سلم بابا

العذراء*
في أثتناء دهابك إلى صاحبتك قد تجد من ايعاكس فيها ..فعليك بطرف لوحه ولا دبسة مليحة وعلى ظهره لن ايقول بس .. وكان قال بس ..قوله على منو اتبسبس يا خونا ..وطيح فيه من جديد
يوم الحظ ( انسينا المفتاح اليوم ولي غدوة

الخروف
الحكاية ماسة بعضها هاليومين ..دورلك على خدمة وفكك من جو الشارع .. فيه هلبه بناويت مضروبات فيك و أولهم جميلة الحولة ..رد بالك منها راهي امتع كتيبة ودوه فارغة يوم الحظ ( وسع بالك .السبوع هدا ما فيش حظ )


الموضوع منقول من احد المنتديات علما هو للتسليه فقط